HUANCAVELICA:PASADO

POESIA QUECHUA

SABER POPULAR.

RECOPILACIÓN: Luis Orlando

POESIA QUECHUA

SABER POPULAR.

RECOPILACIÓN: Luis Orlando

Sacha sunqompi

Sacha sunqompi

Takikun pichiu

Nanaq mayupas

Raku takinwan

Qaqa rumipas

Qomer pachachanwan

Wayqo sachapas

Purun wikuña

Qaqa wiskacha

Poqoyqa chirauqa

Karun llaqta urpichallay

Imatan muyuycachanki

Yanaykichus caypi sayan

Kamchu kaypi suyanayki

Sapykita ricuspaymi

Achka llaquikunman nispa

Kusichiqniyqui qamuchkani

Yanallayki sakesisqa

Wañuykunñan chiraq inti

Kay kausaynin akchirimuq

Tutayaqtañam kausaq

Llaki taki

Waqay

Icha may purisqaikipi

Tinkunkiman karqa

Yana kuyasqaywan

Llaquisqayta waqasqayta

Ama willaychu

Suyasqallayta

Willaykapuway

Tacyasqallayta

Niykapuway.

Uray pasaq villa mayu

Imaynan kanankama

Kutimunchu

Yana masichallay

Chayna kaptinga

Ñuqapas ripukuspa

Manaña kutimunaypaq

Llaqtan llaqtan

Muyuq villa mayu

Wiqeywan sinchi puriq

Yanallayta qarkaikuy

Rapraykita qatunkachiy

Huamanchallay

Condorchallay

Jananta purispa

Icha tinkuykuwaq

Qanmi ñawy hina

Para waqaq puyu

Caminunta pantachispa

Yanayta intinkuy

Yanayta qarkaykuy

Pukuy pukuypa qesanpichus

Mamallayqa wachawarqa

Pukuypa qesanpi nacispaqa

Kunan hina llakinaypaq

Ima maytaq wachawarqa

Ima taytaytaq churiyawarqa

Pukuy pukyu hina

Kutin kutin yupanaypaq

Orqon qasan purinaypaq

Qatun pampatam rini

Icha chaypichu qonqayman nispa

Astawan yuyarini

Ichu wayrawan pukllaristin.

Imaynallataq atiyman

Yana chiwillu chucchaykita

Qori ñaqchawan ñaqchaspa

Kunkaykipi pukllachispay

Imaynallataq atiyman

Chaska qoyllor ññawiykita

Ñausa kayniyta ñawiykita

Sonqollaypi kanchachiyta

Imaynallataq atiyman

Puka mulli simiykita

Samayniykita umispa

Astawanraq pachichiyman

Imaynallataq atiyman

Riti sansaq makiykita

Clavelinata penqachispa

Astawanraq sansachiyta

Kay tukuyta atispaqa

Qatunmanta sunqoyta

Sonqoy chaupipi mallqispa

Wiñaypaq pallallachiyta

Willanay urpi

Kay songoykiqa

Rumi kaspapas

Weqey lloqllaywan

Llanpuyanmansi.

Yaya cóndor

Apaway

Turiy waman

Pusaway

Mamallaman

Willapuway

Ñan phisqa punchau

Mana mikusqa

Mana upyasqa

Yaya kachapuriq

Noticia apaq chaski

Puriq sim illayta

Nanaq sunqollayta

Apapullaway

Yayallayman

Mamallayman

Willapullaway

Wayanay plaza patachampi

Sepulturallay chutarayachkan

Amallan sombrallay

Waqallankichu

Ñuqallay wañukullaptiy

Sipultura patachallampi

Ñoqallay huywakusayki